انسانیت سب سے بڑا مذہب ہے کہنا کیسا ہے؟

صورتِ  مسئولہ میں’’ انسانیت سب سے بڑا مذہب  ہے‘‘ کہنا درست نہیں ہے،  بلکہ دین ِ اسلام سب سے بڑا کامل اور مکمل مذہب ہے، انسانیت کا جذبہ سب سے پہلے دینِ  اسلام ہی نے متعارف کرایا ہے، اسلام ایک مکمل مذہب ہے اور اسلام نے انسان کی انفرادی ، اجتماعی، ازدواجی  ، معاشی،  سیاسی غرض  یہ کہ ہر ایک طرز زندگی  سے متعلق مکمل تعلیمات دی ہیں، انسانیت بھی ان ہی تعلیمات کا ایک جز ہے،  عام طور پر ایسے الفاظ مذہب بیزار لوگوں کی زبان پر ہی آتے ہیں، لہذا اس طرح  کے الفاظ  سے اجتناب کرنا چاہیے۔

قرآن کریم میں ارشاد باری تعالیٰ ہےـ:

"﴿إِنَّ الدِّينَ عِنْدَ اللَّهِ الْإِسْلَامُ ...الآية﴾." (سورہ آل عمران، آیت نمبر۱۹)

ترجمہ:

’’بلا شبہ دین اللہ تعالیٰ کے نزیک صرف اسلام ہی ہے۔‘‘

(بیان القرآن از حکیم الامت حضرت مولانا محمد اشرف علی تھانوی رحمۃ اللہ علیہ، ج: ۱، حصہ ۳، صفحہ: ۷، ط: میر محمد کتب خانہ آرام باغ کراچی)

فقط واللہ اعلم