اعتکاف سے ایک دن پہلے روزہ نہیں رکھ سکا تو اعتکاف کرنا درست ہوگا ؟

 اگر کوئی شخص  کسی عذر کی وجہ سے 20 رمضان کو روزہ نہ رکھ سکے تو اس دن شام سے اعتکاف شروع کرنے میں کوئی حرج نہیں ہے ، یعنی سنت اعتکاف درست ہونے کے لیے بیسواں روزہ شرط نہیں ہے، تاہم  سنت اعتکاف درست ہونے کے لیے اگلے تمام روزے رکھنا لازم ہوگا،  ورنہ   مسنون اعتکاف نہیں ہوگا۔

فتاوی شامی میں ہے:

"قلت: و مقتضى ذلك أن الصوم شرط أيضًا في الاعتكاف المسنون؛ لأنه مقدر بالعشر الأخير حتى لو اعتكفه بلا صوم لمرض أو سفر، ينبغي أن لايصح عنه بل يكون نفلًا فلاتحصل به إقامة سنة الكفاية."

(کتاب الصوم، باب الاعتکاف، ج:2، ص:442، ط: دار الفکر)

فقط واللہ اعلم