حمل کی حفاظت کے لیے وظیفہ

 حفاظت ِ حمل كے لیے اللہ تعالیٰ سے عافیت کی دعا مانگتے رہیں ،اورسورۂ مریم کی تلاوت کریں اور مندرجہ ذیل وظائف   کو معمول بنائیں۔

اعمال قرآنی میں ہے:

" حفاظتِ حمل وبچہ:

"وَالَّتِي أَحْصَنَتْ فَرْجَهَا فَنَفَخْنَا فِيهَا مِنْ رُوحِنَا وَجَعَلْنَاهَا وَابْنَهَا آيَةً لِلْعَالَمِينَ () إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ () وَتَقَطَّعُوا أَمْرَهُمْ بَيْنَهُمْ كُلٌّ إِلَيْنَا رَاجِعُونَ."

" حفاظتِ حمل اور بچہ صحیح وسالم پیدا ہونے کے لیے یہ آیتیں لکھ کر شروع حمل میں چالیس روز تک حاملہ عورت کے (پیٹ پر )باندھ دیں، پھر کھول کر نویں مہینے پھر (پیٹ پر)باندھ دیں، پھر بعد پیدائش وہ تعویذ کھول کر بچہ کے(گلے میں ) ڈال  دیں۔"

(اعمال قرآنی،ص:87،ط:دارالاشاعت)

و فیہ ایضاً:

"حفاظتِ حمل: سورۃ الحاقہ، اس کو لکھ کر حاملہ کے(پیٹ پر) باندھنے سے بچہ ہر آفت سے محفوظ رہےگا۔"

(اعمال قرآنی،ص:100،ط:دارالاشاعت)

فقط واللہ أعلم