روزہ کی حالت میں شوہر اور بیوی کا بوس وکنار کرنے کا حکم

 روزے  کی حالت میں بیوی کے  ساتھ  بوس و کنار جائز ہے،  البتہ اگر   ایسی صورت میں  انزال  (منی کے شہوت کے ساتھ نکلنے)  کا خوف ہو یا بے قابو ہو کر جماع میں پڑ جانے کا خطرہ ہو  تو بوس وکنار مکروہ ہے؛ اس لیے  جوان آدمی کو اس سے پرہیز  کرنا چاہیے۔  بہرحال خود پر اعتماد نہ ہو  تو روزے کے دوران بوس وکنار سے اجتناب کیا جائے ۔

ملحوظ رہے کہ    روزے میں میاں بیوی کی شرم گاہوں  کا بے حجاب ملنا  اور ہونٹ کا بوسہ  بہرصورت مکروہ ہے،  اور اگر ایک دوسرے کا لعاب حلق سے اتر گیا تو روزہ فاسد ہوجائے گا اور قضا کے ساتھ کفارہ بھی لازم ہوگا۔

فتح القدير میں ہے:

"‌ولا ‌بأس ‌بالقبلة ‌إذا ‌أمن ‌على ‌نفسه) أي الجماع أو الإنزال (و يكره إذا لم يأمن) لأن عينه ليس بمفطر وربما يصير فطرا بعاقبته فإن أمن يعتبر عينه وأبيح له، وإن لم يأمن تعتبر عاقبته وكره له."

(كتاب الصوم، باب ما يوجب القضاء والكفارة، ج:2، ص:327، ط:شركة مكتبة ومطبعة مصفى البابي الحلبي وأولاده بمصر)

فقط والله اعلم