مسجد میں احتلام ہو جانے کی صورت میں نکلنے کا طریقہ

اگر کسی شخص کو مسجد میں سوتے ہوئے احتلام ہو جائے تو اس کو چاہیے کہ آنکھ کھلتے ہی مسجد  کے فرش( خواہ مٹی کا ہو یا سیمنٹ کا ہو یا ماربل کا ہو ) پریا دیوار پر  ہاتھ مار کر مسنون طریقہ کے مطابق تیمم کرلے، پھر جہاں کپڑے رکھے ہیں وہاں سے کپڑے اٹھا کر غسل کے لیے مسجدسے نکل جائے۔

فتاوی ہندیہ میں ہے:

"إذا خاف الجنب أو الحائض سبعا أو لصا أو بردا فلا بأس بالمقام فيه والأولى أن يتيمم تعظيما للمسجد. هكذا في التتارخانية."

(كتاب الطهارة، الفصل الرابع في احكام الحيض والنفاس، ج: 1، ص: 92، ط: دار الفكر بيروت)

فتاوى قاضيخان میں ہے:

"ومن احتلم وهو في المسجد يخرج من ساعته فإن كان في جوف الليل وخاف الخروج يستحب له أن يتيمم."

(كتاب الطهارة، فصل في ما يوجب الغسل، ج: 1، ص: 45، دار كتب العلمية)

فقط والله اعلم