اجتماعی دعا کے بجائے انفرادی دعا کرنے کا حکم

1:  فرائض کے بعد انفراداً بھی  دعا کی جاسکتی ہے،اجتماعی میں قبولیت کی امید زیادہ ہے ،دونوں طرح کریں ۔

اسی طرح اگر کوئی شخص قرآن کی تلاوت سننا نہیں   چاہ رہا، تو  مجلس تلاوت سے الگ ہو کراپنے دیگر ذکر واذکار اور دعا کرسکتا ہے۔

سنن الترمذی  میں ہے:

"عن أبي أمامة، قال: قيل يا رسول الله: أي الدعاء أسمع؟ قال: جوف الليل الآخر، ودبر الصلوات المكتوبات۔"

(سنن الترمذی، جلد5، ابواب الدعوات، ص: 526،رقم الحدیث:3499، ط:شرکت مکتبة)

ترجمہ: حضرت ابوامامہ رضی اللہ تعالی عنہ سے مروی ہے کہ نبی کریم صلی اللہ علیہ و سلم کے سامنےعرض کیا گیا کہ اے اللہ کے رسول! کونسی دعا (اللہ کی بارگاہ میں) زیادہ سنی جاتی ہے؟ آپ صلی اللہ علیہ و سلم نے فرمایا: رات کے آخری حصے میں اور فرض نمازوں کے بعد۔

فقط واللہ اعلم