گھر کا نام رحمت ہاؤس رکھنے کا حکم

رحمت کا معنیٰ ہے: بھلائی/شفقت/نعمت۔

(القاموس الوحید، المادّۃ: ر/ح/م، ص:609، ط:ادارۃ الاسلامیات)

گھر کو کسی شخص کو طرف منسوب کرکےاس پر نام رکھنا جائز ہے، دورِ نبوی میں حضرت ارقم رضی اللہ عنہ کے گھر کو ان کے نام سے منسوب کرکے "دارِ ارقم" پکارا جاتا تھا، جو مکہ مکرمہ میں کوہِ صفا میں واقع تھا، اور آپ صلی اللہ علیہ سلم وہاں تبلیغ فرماتے تھے، لہذا مذکورہ گھر کا نام والد صاحب کی طرف منسوب کرکے رحمت ہاؤس رکھ سکتے ہیں ۔

الإستيعاب في معرفة الأصحاب میں ہے:

"وفي دار الأرقم ابن أبي الأرقم هذا كان النبي صلى الله عليه وسلم مستخفيا من قريش بمكة يدعو الناس فيها إلى الإسلام في أول الإسلام حتى خرج عنها وكانت داره بمكة على الصفا فأسلم فيها جماعة كثيرة".

(باب الأفراد، أرقم بن أبي الأرقم المخزومي، ج:1، ص:41، ط:دارالکتب العلمیۃ)

فقط واللہ اعلم