دوسرے کو عمرہ کا ثواب پہنچانے کا طریقہ

کسی شخص  کو عمرہ کا ثواب  پہنچانے کا طریقہ یہ ہے کہ  سب سے پہلے  عمرہ کا احرام باندھ کر اپنی جانب سے نیت کرکے عمرہ کرلے، عمرہ مکمل ہوجانے کے بعد اس کا ثواب اس شخص کو بخش  دے، کہ یا اللہ اس عمرہ کا ثواب فلاں کو پہنچادے،تو اس کا ثواب دوسرے کو پہنچ جائے گا اور یہ نیت بھی درست ہے کہ شروع ہی سے نیت کرلے کہ یا اللہ پاک میں فلاں کے  لیے عمرہ کررہا ہوں تو اسے قبول فرما۔

فتاوی شامی میں ہے:

"اللهم أوصل ثواب ما قرأناه إلى فلان أو إليهم. 

صرح علماؤنا في باب الحج عن الغير بأن للإنسان ‌أن ‌يجعل ‌ثواب عمله لغيره صلاة أو صوما أو صدقة أو غيرها كذا في الهداية."

(كتاب الصلوة، ج:2، ص:243، ط:سعید)

فقط واللہ اعلم