سودی رقم غریب کو صدقہ کرنے کے بعد غریب کا تصرف

واضح رہے کہ سود لینا اور دینا شرعا حرام ہے۔ ہاں اگر کسی نے سودی پیسہ لے لیا ہو تو اس پر سچے دل سے اللہ کے حضور توبہ و استغفار کرے اور وہ سودی رقم  جس سے لی ہے اس ہی شخص کو لوٹانا ضروری ہے ۔  اور اگر مالک یا اس کے ورثاء  کو لوٹانا کسی صورت  ممکن ہی نہ ہو تو اسے کسی غریب مستحق کو بغیر ثواب  کی نیت کے صدقہ کردے۔  پھر اس غریب آدمی کی مرضی ہے اس رقم کا مالک بننے کے بعد جہاں چاہے اسے خرچ خرے، خود بھی استعمال کرسکتا ہے اور چاہے تو  اپنی خوشی و ذاتی رائے سے بغیر کسی کے کہنے کے مسجد مدرسے میں بھی دے سکتا ہے،بغیر حیلہ وغیرہ کے۔

المبسوط للسرخسی میں ہے:

"والسبيل في الكسب الخبيث التصدق".

(کتاب البیوع، ج12، ص172، ط:دارالمعرفة)

منحۃ الخالق لابن العابدين میں ہے:

"‌ويجب ‌عليه ‌تفريغ ‌ذمته ‌برده ‌إلى ‌أربابه ‌إن ‌علموا ‌وإلا ‌إلى ‌الفقراء".

( كتاب الزكوة، شروط وجوب الزكوة، ج2،ص  211، ط: دار الكتاب الإسلامي)

فقط والله أعلم