کتا پالنے کا حکم

واضح رہے کہ شوقیہ طور پر کتا پالنا ناجائز ہے، حدیثِ پاک میں اس کی ممانعت منقول ہے، ایک حدیث میں ہے کہ جہاں کتا ہوتا ہے وہاں رحمت کے فرشتے نہیں آتے۔ ایک اور حدیث شریف میں ہے کہ  بلاضرورت کتا پالنے والے کے اعمال  میں سے روزانہ ایک قیراط کم کر دیا جاتا ہے؛ لہذا کتوں کو گھر میں رکھنا    خیر  و برکت سے محرومی کا باعث ہے، اس لیے کتوں کے پالنے سے اجتناب بہت ضروری ہے۔

 البتہ  اگر کتے کو  جانوروں  اور  کھیتی کی حفاظت کے لیے  یا  شکار کے لیے  پالا جائے تو اس کی شریعت نے اجازت دی ہے۔

فتاوی ہندیہ میں ہے :

"وفي الأجناس لا ينبغي أن يتخذ كلبا إلا أن يخاف من اللصوص أو غيرهم۔۔۔۔۔ويجب أن يعلم بأن اقتناء الكلب لأجل الحرس جائز شرعا وكذلك اقتناؤه للاصطياد مباح وكذلك اقتناؤه لحفظ الزرع والماشية جائز كذا في الذخيرة."

(کتاب الکراہیۃ ،الباب الحادی والعشرون فیما یسع من جراحات بنی آدم والحیوانات،ج:5،ص:361،دارالفکر)

فقط واللہ اعلم