مینڈک کھانے کا حکم

حنفیہ کے ہاں سمندری مخلوقات میں سے صرف مچھلی کھانے کی اجازت ہے،مینڈک چوں کہ مچھلی کی قسم میں سے نہیں ہے، بلکہ خبائث میں سے ہے اور اللہ تعالی نے خبائث کو حرام کردیاہے، اس لیے مینڈک کا کھانا حلال نہیں ہے۔

بدائع الصنائع میں ہے:

"وقوله عزّ شأنُه {ويُحرِّم عليهم الخبائث} والضُّفدعُ والسّرطانُ والحيّةُ ونحوُها مِن الخبائث، ورُوي عَن رسول الله - صلّى الله عليه وسلّم - سُئل عَن ضُفدعٍ يُجعل شحمُه في الدواء فنهَى - عليه الصّلاة والسّلام - عَن قتل الضَّفادع، وذلك نهيٌ عَن أكلِه."

(كتاب الذبائح والصيود، ٥/ ٣٥، ط: سعيد)

فقط والله أعلم