مرد کے لیے بدن کے بال بلا وجہ دور کرنا پسندیدہ نہیں ہے
سوال
میرا سوال یہ ہے کے میرے جسم کے بال بہت بڑے ہو رہے ہیں، جس کی وجہ سے میں بہت زیادہ تنگ ہو رہا ہوں، تو کیا میں اُن بالوں کو کسی اسپرے وغیرہ سے صاف کر سکتا ہوں؟
جواب
صورتِ مسئولہ میں سائل کے لیے اپنے جسم کے مختلف حصوں پر اگنے والے بالوں کو کسی اسپرے وغیرہ سے دور کرنا جائز ہے، بشرطیکہ ان بالوں کے بڑھنے کی وجہ سے واقعی تکلیف اورپریشانی ہو رہی ہو؛ البتہ مردوں کے لیے زیرِ بغل اور زیرِ ناف بالوں کے سوا بدن کے دوسرے حصوں سے بلا وجہ بال دور کرنا ایک بے مقصد عمل ہے، جو کہ ناپسندیدہ اور ادب کے خلاف ہے؛ اور اگر اس طرح بدن سے بال دور کرنے کا مقصد بدن کی نمائش کرنا ہو، تو ایسا کرنا مکروہ ہے۔
فتاوی شامی میں ہے:
"وفي حلق شعر الصدر والظهر ترك الأدب، كذا في القنية".
(کتاب الحظر و الإباحة، 407/6، ط: ایچ ایم سعید)
فقط والله أعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
