صدقہ کی نیت سے دوستوں کی دعوت کرنا

واضح رہے کہ صدقات واجبہ یعنی زکات، فطرانہ، نذر وغیرہ کا مصرف تو مستحقین زکات  افرادہیں ،  جب کہ نفلی صدقہ (یعنی انسان جو محض ثواب کی نیت سے خرچ کرتا ہے) مستحقینِ  زکات افراد کو دینا شرعًا ضروری نہیں، لہذا صورتِ  مسئولہ میں  نفلی صدقہ  کا گوشت دوستوں  کھلایا  جاسکتاہے،  البتہ اگر واجب صدقہ کا  گوشت   صرف زکات کے مستحقین افراد کو کھلایا جاسکتاہے۔یہ حکم صدقہ کرنے والے کے لیے ہے، لیکن اگر کسی مستحق کو صدقہ واجبہ کا گوشت ملا ہو تو اس کے  مالک بننے کے بعد وہ گوشت صدقہ کا حکم نہیں رکھتا ہے، بلکہ اس گوشت کو کسی کو بھی کھلایا جا سکتا ہے۔

بدائع الصنائع میں ہے: 

"وأما صدقة التطوع فيجوز صرفها إلى الغني؛ لأنها تجري مجرى الهبة."

( كتاب الزكاة، فصل الذي يرجع إلى المؤدى إليه، ٢ / ٤٧، ط: دار الكتب العلمية)

فقط واللہ اعلم