نہل نام کا معنی اور یہ نام رکھنا کیسا ہے؟

’’نہل‘‘ کا معنی ہے:  پہلی مرتبہ پینا ، وہ خوراک  جو کھائی جائے، یہ ناہل کی جمع  ہے اس کا معنی سیراب اور پیاسا دونوں آتا ہے،  اس کے بجائے کوئی دوسرا نام تجویز کرلیں۔ اگر لڑکی کا نام رکھنا ہے تو صحابیات رضی اللہ عنہن یا نیک مسلمان خواتین کے ناموں میں سے کوئی نام یا اچھے معنیٰ والا عربی نام منتخب کریں۔

(مصباح اللغات ، ص:۹۱۶، ط: مکتبہ سید احمد شہید) 

جامعہ کی  ویب سائٹ اور ایپلی کیشن میں ’’اسلامی ناموں‘‘ کےعنوان سے ایک آپشن موجود ہے، جس میں سے آپ نام کا انتخاب کرسکتے ہیں۔

نیز اکثر لوگوں کی خواہش ہوتی ہے وہ اپنے بچے کا نام سب سے منفرد رکھیں، تو ایسے میں آپ کے لیے بہتر ہے کہ ان صحابیات کے نام جو غیر مشہور ہیں اس میں سے انتخاب کرلیں، اس لیے صحابہ کرام کے ناموں پر نام رکھنا باعث برکت بھی ہے، سہولت کے لیے چند  صحابیات رضی اللہ عنہن کے اسماء گرامی درج ذیل ہیں: 

"اُمامه . اَروى. آمِنَه . بُریَده . بَریرَه . تَیما . ثُوَبِیه . جُمانه. جُوَیریه. حَمامه.  حَرمَله.  حَمنَه.  حواء.  حسّانه.  خالده.  خَنساء.  خَولَه.  دُرّه. ذُرّه. رُبَـیِّع (ربیع). رَمله . رُفَیده. رُقُیقه. رُمَیثه. رُمَیصاء.  رَوضه.  رابطه.  زِِنّیره . زُنَیره.  سائِبه. ساره.  سِدره. سَدوس. سُدَیسه . سُعاد . سلامه . سُمَیره . سُمَیکه . سَفّانه . شَیماء . شُمَیله . عاتِکه. عَمره . عَفراء .  عُماره . عَمّاره . غَزوه . فَارعه . فُرَیعَه . قَیله . لُبابه . ماریه . ماویه . نائله . نَفیسه . هند . یُسَیرَه."

 وہ صحابیات رضی اللہ عنہن جن کے نام’’أمّ‘‘ کے ساتھ شروع ہوتے ہیں : 

"أم بَرده . أم ثَوبان . أم حارثه . أم حبیبه . أم حَرام . أم حکیم . أم دَحاح . أم الدرداء . أم رُومان . أم زُفر . أم سُلَیم . أم سُلَیط . أم شَرِِیک . أم عطیّه . أم عمّاره . أم فَروه . أم كُلثوم . أم مِسطَح . أم نِیار."

   فقط واللہ اعلم