محمد ثنان نام رکھنا کیسا ہے؟

واضح رہے کہ ثنان کا  اصل تلفظ  س سے سنان ہے ، السِنَان(س کے زیر سے) اس کا معنی ہے نیزے کا پھل ، دھار رکھنے اور تیز کرنے کا اوزار ، اور  ثنان یہ الثِّنُّ کی جمع ہے جس کا معنی ہے سوکھی گھاس ، کمزور پودا ، ٹوٹنے کے قابل پودا ، اس معنی کے اعتبار سے یہ نام رکھنا مناسب نہیں ، البتہ بہتر یہ ہے کہ سنان نام  رکھاجائے ، کیوں کہ صحابہ کرام علیھم الرضوان میں سے بہت سارے صحابہ کا یہ نام ہے ۔

معجم الوسيط میں ہے :

"(‌الثن) يبيس الحشيش وضعيف النبات وهشه وإن لم يكن يابسا (ج) ثنان".

(باب الثاء ج: 1 ص: 101 ط: دار الدعوة)

وفیہ ایضا:

"(‌السنان) نصل الرمْح وكل مَا يسن عَلَيْهِ السكين وَغَيره (ج) أسنة".

(باب السین ج: 1 ص: 456 ط: دار الدعوة)

اسد الغابۃ فی معرفۃ الصحابۃ میں ہے :

"سنان بن تيم الجهني ‌حليف ‌بني ‌عوف ‌بن ‌الخزرج، وقيل: سنان بن وبرة. غزا مع رسول الله صلى الله عليه وسلم المريسيع، وهي غزوة بني المصطلق، وكان شعارهم يومئذ: يا منصور، أمت أمت".

(حرف السین ، باب السین و النون ج: 2 ص: 559 ط: دار الكتب العلمية)

فقط والله اعلم