قرآن پاک کو غلطی سے پیر لگ جانے کا حکم

اگر غلطی سے بلاقصد و ارادے کے قرآن  كريم   کو  پیر لگ جائےتو اس پر مؤاخذہ نہیں،  تاہم اس بے احتیاطی اور غفلت کی وجہ سے اللہ تعالی کے حضور توبہ و استغفار کرلینا چاہیے ، کوئی کفارہ وغيره لازم نہیں ہے، بس توبہ واستغفار کرلینا کافی ہے  اور آئندہ کے لیے احتیاط کریں۔

حديث شريف ميں هے:

"عن أبي ذر الغفاري قال: قال رسول الله صلى الله عليه وسلم: "إن الله تجاوز لي عن أمتي ‌الخطأ، ‌والنسيان، وما استكرهوا عليه."

(كتاب الطلاق،باب طلاق المكره والناسي،  ج:1، ص:659، رقم حديث:6043،  ط:دار إحياء الكتب العربية)

کفایت المفتی میں مفتی کفایت اللہ دہلوی صاحب رقم طراز ہے:

"اگر غلطی سے بلاقصد و ارادے کے قرآن پاک ہاتھ سے گرجائے تو اس پر مؤاخذہ نہیں،  تاہم اس بے احتیاطی اور غفلت کی وجہ سے اللہ تعالی کے حضور توبہ و استغفار کرلینا چاہیے۔"

(کفایت المفتی، کتاب العقائد ،ج:1 ، ص:130 ، ط: دار الاشاعت)

فقط و اللہ اعلم