عید کے دن اشراق اور چاشت کے نوافل پڑھنا
سوال
عرض ہے کہ سنا یہ ہے کہ عید کے دن اشراق کی نماز نہیں پڑھنی چاہیے تو کیا عید کے دن نماز چاشت بھی نہیں پڑھنی چاہیے؟ رہنمائی فرمائیں ۔
جواب
عید کے دن فجر کی نماز کا وقت داخل ہونے کے بعد سے عید کی نماز ادا کرنے تک نفل نماز ادا کرنا مطلقاً (عیدگاہ ہو یا گھر یا کوئی اور جگہ) مکروہِ (تحریمی) ہے، اور عید کی نماز کے بعد سے اس دن کے زوال تک صرف عیدگاہ میں نفل نماز ادا کرنا مکروہ ہے، جب کہ عید کی نماز کے بعد گھر میں نفل نماز ادا کرنا جائز ہے، لہذا عید کی نماز کے بعد گھر آکر اشراق اور چاشت کے نوافل پڑھنا جائز ہے۔
"طحطاوی علی الدر المختار" میں ہے:
"ولايتنفل قبلها مطلقاً ... و كذا لايتنفل بعدها في مصلاه؛ فإنه مكروه عند العامة، و إن تنفل بعدها في البيت جاز ... قوله: (فإنه مكروه) أي تحريماً علی الظاهر..."الخ
(كتاب الصلاة، باب العيدين، ١/ ٣٥٣، ط: رشيدية)
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
