اگر شوہر کہے کہ میں نے تجھے چھوڑا تو حرام تو کیا حکم ہے؟

صورت مسئولہ میں اگر واقعۃ  آپ کے شوہر نے آپ سے یہ کہا کہ :"اب میں نے تجھے چھوڑا" تو اس سے ایک طلاقِ رجعی واقع ہوگئی ،اورپھر "تو حرام ہے "کہنے سے  دوسری طلاق صریح بائن واقع ہوچکی ہے ،اب ساتھ رہنے کے لیے دوبارہ نکاح کرنا ضروری ہے ،اور آئندہ کے لیے آپ کے شوہر کے پاس صرف ایک طلاق کا حق باقی ہوگا۔

رد المحتار ميں ہے:

"بخلاف فارسية قوله ‌سرحتك وهو " رهاء كردم " لأنه صار صريحا في العرف على ما صرح به نجم الزاهدي الخوارزمي في شرح القدوري اهـ ... فإن ‌سرحتك كناية لكنه في عرف الفرس غلب استعماله في الصريح فإذا قال " رهاكردم " أي ‌سرحتك يقع به الرجعي مع أن أصله كناية أيضا، وما ذاك إلا لأنه غلب في عرف الفرس استعماله في الطلاق."

(کتاب الطلاق، باب الکنایات، ج:3، ص:299، ط:سعید)

فتاوی مفتی محمود میں ہے:

’’واضح رہے کہ لفظ"چھوڑدیا"اردو میں طلاقِ صریح ہے،ایک دفعہ کہنے سے ایک طلاق رجعی واقع ہوگی،دودفعہ سے دو اور تین دفعہ سے طلاقِ مغلظہ واقع ہوجائے گی۔‘‘

(ج:6،ص:417،ط:اے مشتاق پریس لاہور)

فتاوی شامی میں ہے:

"‌أن ‌الصريح ‌وإن ‌كان ‌بائنا ‌يلحق ‌البائن."

(كتاب الطلاق، باب الكنايات، ج:3، ص:307، ط:سعید)

وفیه أیضا:

"من الألفاظ المستعملة الطلاق يلزمني والحرام يلزمني وعلي الطلاق وعلي الحرام فيقع بلانية للعرف الخ فأوقعوا به الطلاق مع أنه ليس فيه إضافة الطلاق إليها صريحا."

(كتاب الطلاق، باب صريح الطلاق، ج:3، ص:248، ط:سعید)

فقط واللہ اعلم