جائے نماز تہہ کرنے کا طریقہ

شریعت  میں جائے نماز تہہ کرنے کا کوئی خاص طریقہ بیان نہیں کیا گیا ہے، کسی بھی طریقے سے  جائے نماز تہہ کرلی جائے تو درست ہے، البتہ ادب یہ ہے کہ جائے نماز کی پہلی تہہ چوڑائی میں کی جائے، یعنی سجدے کی جگہ کا ایک کنارہ دوسرے کنارے کے ساتھ مل جائے اور پائنتی کا ایک کنارہ دوسرے کنارے کے ساتھ مل جائے، پھر دوسری تہہ لمبائی میں کی جائے، تاہم اس کے خلاف کرنے پر بھی کوئی گناہ نہیں ملتا یہ صرف ادب اور نظافت کے قبیل سے ہے، اسے شرعی حکم سمجھنا اور لازم سمجھنا  درست نہیں ہے۔

فقط واللہ اعلم