اجتماعی قربانی میں مستحق زکات و صدقہ کے شامل ہونے سے بقیہ شرکاء کی قربانی ہوجائے گی؟
سوال
اجتماعی قربانی میں مستحقِ زکوۃ و صدقہ شامل ہو سکتا ہے یا نہیں؟ اگر ہوجائے تو بقیہ صاحبِ نصاب حضرات کی قربانی ہوگی یا نہیں؟
جواب
صورتِ مسئولہ میں مستحق ِزکات و صدقہ اپنےحصےکی رقم اجتماعی قربانی میں دے کرشامل ہوناچاہےتوشامل ہوسکتا ہے، بقیہ صاحبِ نصاب حضرات (شرکاء) کی قربانی بھی ہوجائے گی۔
فتاوى هندية میں ہے:
"ولو أرادوا القربة - الأضحية أو غيرها من القرب - أجزأهم سواء كانت القربة واجبة أو تطوعا أو وجب على البعض دون البعض."
(كتاب الأضحية، الباب الثامن فيما يتعلق بالشركة في الضحايا، ج:5، ص: 304، ط:دار الفكر بيروت)
فقط والله أعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144410101223
تاریخ12-05-2023
