سونا نصاب زکات سے کم ہو اور اس کے ساتھ چاندی بھی تو زکات واجب ہے یا نہیں؟
سوال
میرے پاس 3تولہ سونا اور 3 تولہ چاندی ہے۔ جبکہ میرے اوپر 40 ہزار قرض ہے، یاد رہے کہ میں ایک تنخواہ دار ملازم ہو تو اس صورت میں زکوة فرض ہے یا نہیں؟
جواب
صورتِ مسئولہ میں سائل کے پاس چوں کہ 3تولہ سونے کے ساتھ 3تولہ چاندی بھی ہے،تو ان پر سال گذرنے کے بعد سونے اور چاندی کی مجموعی قیمت سے40ہزار قرض کو منہا کیا جائے اور بقیہ رقم کی ڈھائی فیصد کے حساب سےزکات ادا کردی جائے۔بہرحال قرض کی رقم منہاکرکے باقی رقم پر زکوۃ کی ادائیگی آپ پر واجب ہے۔
فتاوی شامی میں ہے:
"و قيمة العرض للتجارة تضم إلى الثمنين؛لأن الكل للتجارة وضعا و جعلا و يضم الذهب إلى الفضة و عكسه بجامع الثمنية قيمة."
(كتاب الزكات، باب زكات المال، ج:٢، ص:٢٠٣، ط:سعيد)
مبسوط سرخسی میں ہے:
"(قال:) والحلي عندنا نصاب للزكاة سواء كان للرجال أو للنساء مصوغا صياغة تحل أو لا تحلوإن كان له عشرة مثاقيل ذهب ومائة درهم ضم أحدهما إلى الآخر في تكميل النصاب عندنا."
(كتاب الزكات، باب زكات المال، ج:2، ص:257، ط:دار الكتب العلمية بيروت)
فقط والله أعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
