سورہ فتح کی آیت کے ورد سے حج وعمرہ کی سعادت نصیب ہونا
سوال
سورہ فتح کی آیت لقد صدق الله رسوله الرؤیا بالحق الخ کے بارے میں لوگوں کے درميان یہ مشہور ہے ،کہ اس کا ورد کرنے سے حج اور عمرہ کی سعادت نصیب ہوتی ہے ۔یہ بات کس حد تک صحیح ہے؟
جواب
حج و عمرہ کی سعادت حاصل کرنے کے لیےسورہ فتح کی آیت نمبر 27 کا ورد قرآن وحدیث کی کسی نص سے ثابت نہیں ،البتہ بزرگوں کے مجربات میں سے ہے،لہذااس کو اسی درجہ میں رکھ کر ورد کرنا درست ہے،اور ان شاء اللہ یقین کے ساتھ ورد رکھنے پر اللہ تعالیٰ حج وعمرہ کی سعادت نصیب فرمائیں گے۔
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144409101366
تاریخ06-04-2023
