چرس پینے والے امام کے پیچھے نماز کا حکم

چرس نشہ آور اشیاء میں سے ہے اور نشہ آور اشیاء کا استعمال شرعاً حرام ہے، لہذا چرس پینا ناجائز اور حرام ہے،اور جو حرام کا ارتکاب کرے وہ فاسق کے حکم میں  ہوتا ہے اور   اس کے پیچھے  نماز  مکروہ تحریمی  ہوتی ہے، لہذا اگر مذكورہ امام واقعۃً چرس پیتا ہے اور اس پر معتبر ثبوت موجود ہے تو اس  کے پیچھے  نماز ادا کرنا  مکروہ تحریمی  ہے۔

طحطاوی علی مراقی الفلاح میں ہے:

"كره إمامة الفاسق، .... والفسق لغةً: خروج عن الاستقامة، وهو معنی قولهم: خروج الشيء عن الشيء علی وجه الفساد. وشرعاً: خروج عن طاعة اﷲ تعالی بارتكاب كبیرة. قال القهستاني: أي أو إصرار علي صغیرة. (فتجب إهانته شرعاً فلایعظم بتقدیم الإمامة) تبع فیه الزیلعي ومفاده كون الکراهة في الفاسق تحریمیة".

( ص 303، ط: دارالکتب العلمیة)

فقط واللہ اعلم