میراث کی تقسیم کا طریقہ
سوال
ہماری والدہ کا انتقال 30 جولائی 2022 کو ہوا تھا۔ والد حیات ہیں۔ ہمارا گھر اور کچھ تولے سونا جو کے والدہ کی ملکیت ہیں ہم باہمی رضا مندی سے اس کی شرعی تقسیم کے بارےمیں معلوم کرنا چاہتے ہیں۔ ہم 2 بھائی اور ایک بہن ہیں۔
جواب
صورتِ مسئولہ میں اگر وارثین صرف یہی ہوں(اور مرحومہ کے والدین موجود نہ ہوں تو) مرحومہ کے ترکہ کی تقسیم کا شرعی طریقہ یہ ہےکہ مرحومہ کے ذمے اگر کسی کا قرض ہو تو اسے کل ترکہ میں سے ادا کرنے کے بعد، اور مرحومہ نے اگر کوئی جائز وصیت کی ہو تو اسےباقی مال کے ایک تہائی ترکہ میں سے ادا کرکے باقی کل منقولہ وغیر منقولہ ترکہ کو20 حصوں میں تقسیم کر کے مرحومہ کے شوہر کو 5 حصے، مرحومہ کے ہر ایک بیٹے کو 6،6 حصےاور مرحوم کی بیٹی کو 3 حصے ملیں گے۔
صورتِ تقسیم یہ ہو گی:
مرحوم والدہ:20/4
| شوہر | بیٹا | بیٹا | بیٹی |
| 1 | 3 | ||
| 5 | 6 | 6 | 3 |
یعنی سو فی صد میں سے شوہر کو 25 فی صد، ہر ایک بیٹے کو30،30 فی صد اور بیٹی کو 15 فی صد ملے گا۔
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
