مسجد کے قرآن کو گھر لے جانے کا حکم

واضح رہے کہ  مسجد کے لیے وقف شدہ قرآن کریم اپنے گھر لے جانا جائز نہیں ،البتہ اگر کسی مسجد میں قرآن کریم کی تعداد اتنی زیادہ ہو کہ وہ استعمال میں نہ آتے ہوں  تو انہیں دوسری مساجد میں جہاں ضرورت ہو ،منتقل کرنے کی گنجائش ہے،تاہم کسی شخص کو مالک بنا کر دینا یا خود اس کا مالک بننا جائز نہیں۔

لہذا صورت مسئولہ میں سائل کو چاہیےکہ   قرآن مجید کو اسی مسجد میں پہنچائے  جہاں سے لیا ہے  کسی غریب کو دینا جائز نہیں ۔

الدر مع الرد میں ہے:

'' وإن وقف على المسجد جاز ويقرأ فيه، ولا يكون محصوراً على هذا المسجد، وبه عرف حكم نقل كتب الأوقاف من محالها للانتفاع بها''.

(ج:4، ص:365، ط:سعيد)

الهداية شرح البداية میں ہے:

"وإذا صح الوقف لم يجز بيعه ولا تمليكه."

(ج:2، ص:640، ط:شرکت علمیہ)

فقط واللہ اعلم