سال گزرنے سے پہلے زکوۃ دینا

اگر کوئی  صاحب نصاب ہو(چاہے پہلی مرتبہ ہی مالک بنا ہو) تو وہ سال مکمل ہونے سے پہلے  زکوۃ نکالنا چاہے تو  نکال سکتاہے ، زکوۃ ادا ہوجائے گی۔

سنن الترمذی میں ہے:

"عن علي بن أبي طالب رضي اللّٰہ عنه أن العباس رضي اللّٰہ عنه سأل رسول اللّٰہ صلي اللّٰہ علیه وسلم في تعجیل صدقته قبل أن تحل، فرخص له في ذلك."

(باب ما جاء في تعجیل الزکاۃ،ج:3،ص:54،ط:مصطفي البابي)

فتاوی شامی میں ہے:

"ولو عجل ذو نصاب زکاته لسنین أو لنصب صح لوجود السبب."

 (كتاب الزكوة،ج:2،ص:293،ط: سعید)

فقط واللہ اعلم