تجھے طلاق ہے، اب تو فارغ ہے، کہنے کا حکم

شوہر کی جانب سے کہے گئے الفاظ ’’تجھے طلاق ہے‘‘ اور  پھر مزید کہنا ’’اب تو فارغ ہے‘‘ تو اس سے بیوی پر ایک طلاقِ بائن واقع ہو گئی ہے، نکاح ختم ہو گیا ہے، رجوع جائز نہیں، البتہ دونوں باہمی رضامندی سے دوبارہ نئے  مہر کے ساتھ شرعی گواہوں کی موجودگی میں نئے سرے سے نکاح کرسکتے  ہیں، اور اس کے بعد شوہر کے پاس آئندہ دو طلاق دینے کا اختیار ہوگا۔

فتاوی شامی میں ہے:

"(قوله: طلقها واحدة إلخ) عبارة الذخيرة وغيرها: طلقها رجعية ثم قال في العدة جعلت هذه التطليقة بائنة أو ثلاثا صح عند أبي حنيفة."

(کتاب الطلاق، باب الکنایات، ج:3، ص: 305، ط:ایج ایم سعید)

فقط واللہ اعلم