جو شخص روزہ نہ رکھ سکتا ہو توہ تراویح پڑھ سکتا ہے یا نہیں؟

واضح رہے کہ روزہ فرض ہے اور تراویح سنت مؤکدہ ہے ،یہ  دونوں الگ الگ اور مستقل  عبادت ہیں ،ایک دوسرے کے لیے لازم ملزوم نہیں ہیں ۔لہذا جو شخص کسی عذر کی وجہ سے روزہ نہیں رکھ سکتا لیکن تراویح کی نماز پڑھ سکتا ہے تو وہ تراویح کی نماز پڑھے۔

فتاویٰ شامی میں ہے:

"(‌التراويح سنة) مؤكدة لمواظبة الخلفاء الراشدين (للرجال والنساء) إجماعا."

(کتاب الصلاۃ، باب الوتر والنوافل، ج: 2، ص:   43، ط: سعید)

فقط واللہ أعلم