افطاری میں گوشت اور تلی ہوئی چیزیں کھانے سے وضو کا حکم
سوال
اگر افطاری سے پہلے وضو کیا ہے اور افطاری میں گوشت اور تلی ہوئی چیزیں کھائی ہیں تو کیا افطاری کے بعد پھر وضو کرنا ہو گا؟ کون سی غذائیں کھانے سے وضو ٹوٹ جاتا ہے؟
جواب
واضح رہے کہ جن چیزوں سے وضو ٹوٹ جاتا ہے وہ دو قسم کی ہیں:
1۔ جو انسان کے جسم سے نکلیں۔ جیسے پیشاب، پاخانہ، ریح وغیرہ۔
2 ۔جو انسان پر طاری ہوں، جیسے: بیہوشی، نیند وغیرہ۔
گوشت اور تلی ہوئی چیزیں کھانے سے نہ جسم سے کوئی چیز نکلتی ہے اور نہ ہی طاری ہوتی ہے ،لہذا افطاری میں گوشت اور تلی ہوئی چیزیں کھانے کی وجہ سے بعد میں وضو کرنا لازم نہیں ہے۔
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144408102586
تاریخ22-03-2023
