صدقہ کا بکرا بیمار ہونے کے بعد ذبح کرنا
سوال
میری والدہ نے صدقہ کے لیے ایک بکری رکھی ہوئ تھی، لیکن وہ بیمار پڑ گئی اور مجبوراً ہمیں اس کو ذبح کرنا پڑا۔ اب اس صورت میں کوئی دوسری بکری لے کر صدقہ کی جاۓ یا پھر کوئی اور صورت ہے؟ براہ مہربانی وضاحت فرما دیں۔
جواب
صورتِ مسئولہ میں اگر صرف یہ نیت تھی کہ یہ بکرا صدقہ کروں گی تو ذبح کرنے کے بعد کچھ لازم نہ ہوگا، لیکن اگر نذر مانی تھی بکرا ذبح کرنے کی تو اس صورت میں اس کی قیمت صدقہ کرنا پڑے گی۔
فتاوی شامی میں ہے:
"بخلاف النذر بالتصدق بشاتين وسطين فتصدق بشاة بقدرهما جاز؛ لأن المقصود إغناء الفقير وبه تحصل القربة وهو يحصل بالقيمة."
(کتاب الزکوۃ , باب زکوۃ الغنم، 2/ 286 ط: دارالفکر)
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144408100339
تاریخ28-02-2023
