طلاق واقع ہونے کے لیے گواہ کی ضرورت نہیں ہوتی

طلاق کے واقع ہونے کے لیے گواہ  کا ہونا ضروری نہیں، گواہ کی موجودگی کے بغیر  بھی دی ہوئی طلاق واقع ہو جاتی ہے، لہذا  جس نے غصے میں  بیوی کو تین بار طلاق طلاق  طلاق کہہ دیا، اگر چہ گواہ کی غیر موجودگی میں کہا ہو  پھر بھی  اس کی بیوی پر تین طلاق واقع  ہوں گی۔

تفسیر مظہری میں ہے:

"الإشهاد على الطلاق ليس بواجب إجماعا".             

(التفسير المظهري: تفسير سورة الطلاق 9/ 320، ط: مكتبة الرشدية)

الفقہ الاسلامی وادلتہ میں ہے:

"وأجمع العلماء على عدم وجوب الإشهاد على الطلاق."

(الفقه الإسلامي و أدلته، الباب الثاني، انحلال الزواج وآثاره، الفصل الأول، الطلاق، الإشهاد على الرجعة 9/ 442 ط: دار الفكر)

فقط والله أعلم