اداکاروں کے ساتھ نکاح کا حکم

اگر کوئی ادا کار مسلمان ہونے کا اقرار کرتا ہے اور اس کے عقائد  ونظریات اسلام کے مطابق ہیں  اور کسی کفریہ عمل کا مرتکب نہیں ہوتا ہے، تو اس کے ساتھ نکاح کرنے سے نکاح منعقد ہوجائے گا، لیکن چوں کہ شریعت مطہرہ نے نکاح و شادی بیاہ کے لیے نیک و صالح رشتہ کے انتخاب کا حکم دیا ہے،لہذا نکاح کے سلسلے میں کسی نیک اور دین دار شخص کا انتخاب کیا جائے۔

بخاری شریف میں ہے:

"عن أبي هريرة رضي الله عنه، عن النبي صلى الله عليه وسلم قال: " ‌تنكح ‌المرأة ‌لأربع: لمالها ولحسبها وجمالها ولدينها، فاظفر بذات الدين، تربت يداك."

(كتاب النكاح، ج:7، ص:7، ط:دار طوق النجاة)

فقط والله اعلم