یشفین نام رکھنا

”یشفین “ کلمہ   قرآن مجید کی اس آیت میں  مذکور ہے:   {وَإِذَا مَرِضْتُ فَهُوَ يَشْفِينِ} [الشعراء: 80] (ترجمه : جب  میں بیمار ہوتا ہوں تو وہ  (اللہ )مجھے شفا دیتا ہے)،  اور "يَشْفِينِ" بھی اصل میں "یشفینی" ہے ، یہ  متکلم کی طرف نسبت ہے، اس میں فعل "یشفي" ہے، جس کے معنی ہیں: ’’وہ شفا دیتا ہے‘‘اور "نی " مفعول ہے جس کا معنی ہے "مجھے "،  اس تفصیل سےمعلوم ہوا کہ  یہ مستقل جملہ ہے ،   فعل (Verb)   اور مفعول کے ساتھ ؛ اس لیے نام رکھنے کے لیے  یہ مناسب نہیں ہے، اس کے بجائے صحابیات  رضی اللہ عنہن  یا دیگر نیک مسلمان خواتین   میں سے کسی  کے نام پر  بچی کا نام رکھ لیں، ہماری ویب سائٹ کے اسلامی ناموں کے سیکشن سے بھی اچھے بامعنی نام منتخب کیے جاسکتے ہیں۔ فقط واللہ اعلم