لڑکی کا نام ’’ایزال فاطمہ‘‘ رکھ سکتے ہیں؟

عربی لغت کے مطابق "إیزال" ’’آزل یوزل‘‘ باب افعال کا مصدر ہے، جس کا معنی ہے :’’قحط سالی میں شدت آنا‘‘ ۔ لہذا معنی کے اعتبار سے یہ نام مناسب نہیں ہے، تاہم ’’فاطمہ‘‘ نام بہت اچھا ہے، یہ نام رکھا جاسکتا ہے۔

باقی عربی لغت میں تلاش و جستجو کے باوجود  ہمیں اس کا معنی ’’خدا کا تحفہ‘‘ ہونا نہیں ملا۔ 

لسان العرب ميں هے:

"وآزَلَت السَّنَةُ: اشتدّت؛ ومنه الحديثُ قولُ طَهْفة للنبي، صلى الله عليه وسلم: أَصابتنا سَنَة حمراء مُؤْزِلة أَي آتي بالأَزْل، ويروى مُؤَزِّلة، بالتشديد على التكثير. وأَصبح القوم آزلين أَي في شدة."

فقط واللہ اعلم