لڑکی اور لڑکے کا گواہوں کے سامنے ایجاب وقبول کرنا

عاقل بالغ لڑکا،لڑکی نکاح کی مجلس میں بیٹھ کر  شرعی گواہوں کی موجودگی میں  خود ایجاب و قبول کرلیں تو نکاح منعقد ہوجائےگا، نکاح کے ایجاب و قبول کے  لیے لڑکے یا لڑکی کے  لیے وکیل مقرر کرنا لازم نہیں ہے۔

البتہ  اسلام نے حیا و پردے کے جو احکام دیے ہیں، ان کا تقاضا یہ ہے کہ لڑکی کی طرف سےیہ امور اس کا ولی انجام دے۔  

فتاوی شامی میں ہے:

"(وينعقد) متلبسا (بإيجاب) من أحدهما (وقبول) من الآخر.

(قوله: من أحدهما) أشار إلى أن المتقدم من كلام العاقدين إيجاب سواء كان المتقدم كلام الزوج، أو كلام الزوجة والمتأخر قبول ح عن المنح."

وفیه أيضا:

"(و) شرط (حضور) شاهدين (حرين) أو حر وحرتين (مكلفين سامعين قولهما معًا)."

(كتاب النكاح، ج: 3، ص: 9+21 ، ط: سعيد)

فقط واللہ اعلم