نفع ونقصان کاروبار کا حصہ ہے

واضح رہے کہ نفع نقصان کاروبارکاحصہ ہے ،کبھی انسان کم وقت میں بہت کچھ کمالیتاہے،اورکبھی نفع نہ ہونے کے برابرہوتاہے،سائل کو چاہیے کہ وہ اللہ کے حضور دعامانگے اور ذکرواذکارواستغفارکی کثرت کرے،اوراگرخدانخواستہ اس کاروبارمیں کوئی غیرشرعی عمل پایاجارہاتھا تواس کو دورکرے،ان شاء اللہ کاروبارمیں برکت ہوگی۔

قرآن مجید میں اللہ تعالی کا ارشادہے :

"فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا .  يُرْسِلِ السَّمَاءَ عَلَيْكُم مِّدْرَارًا .  وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ."[ نوح الآیة : 10،11،12]

ترجمہ :"اور (اس سمجھانے میں) میں نے (ان سے یہ) کہا کہ تم اپنے پروردگار سے گناہ بخشواؤ بیشک وہ بڑابخشنے والا ہے،کثرت سے تم پر بارش بھیجے گا،اور تمہارے مال اور اولاد میں ترقی دے گا اور تمہارے لئے باغ لگادے گا اور تمہارے لئے نہریں بہادے گا"(بیان القرآن)

فقط واللہ اعلم