’’گھر سے نکل جا‘‘ کہنے سے طلاق واقع ہونے کا حکم
سوال
میاں بیوی میں جھگڑا ہورہا تھا، اس وقت بیوی نے شوہر سے کہا کہ ’’آپ مجھے مت لیجیے‘‘، تو شوہر نے جھگڑا ختم کرنے کی نیت سے چار مرتبہ کہا کہ ’’میں آپ کو نہیں لوں گا، گھر سے نکل جا‘‘، تو طلاق کا کیا حکم ہوگا؟
جواب
صورتِ مسئولہ میں اگرواقعۃ شوہر نے اپنی بیوی کو ’’گھر سے نکل جا‘‘ طلاق کی نیت سے نہیں کہا تو اس کی بیوی پر کوئی طلاق واقع نہیں ہوئی۔
الدر المختار مع رد المحتار میں ہے:
"(كنايته) عند الفقهاء (ما لم يوضع له) أي الطلاق (واحتمله) وغيره (ف) الكنايات (لا تطلق بها) قضاء (إلا بنية...نحو اخرجي واذهبي وقومي)."
(كتاب الطلاق، باب الكنايات، ج:3، ص:298، ط: سعيد)
فقط والله اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144404102053
تاریخ23-11-2022
