خاص جگہ پر تدفین کی وصیت کرنا

صورت مسئولہ میں خاص جگہ تدفین کی وصیت شریعت میں معتبر نہیں،بلکہ باطل ہے لہذا مرحوم کے ورثاء نے میت کو وصیت کے برعکس دوسری جگہ دفن کردیا تو گناہ گار نہیں ہونگے، اس لئے کہ میت کی تدفین ورثاء کا حق ہے۔

فتاوی شامی میں ہے:

"أوصى بأن يصلي عليه فلان أو يحمل بعد موته إلى بلد آخر . أو يكفن في ثوب كذا أو ‌يطين ‌قبره أو يضرب على قبره قبة أو لمن يقرأ عند قبره شيئا معينا فهي باطلة."

(‌‌كتاب الوصايا، فرع: 6/ 666، ط: سعید)

فقط واللہ اعلم