محمد راحم نام رکھنا کیسا ہے ؟

’’راحم‘‘ کامعنیٰ ہے’’کسی پر مہربانی کرنے والا، شفقت کرنے والا، رحم کرنے والا‘‘۔

(القاموس الوحید، رحم، ص:۶۰۹، ط: ادارہ اسلامیات)

مذکورہ  معنیٰ کے لحاظ سے یہ نام رکھنا شرعاً درست ہے۔

البتہ عر بی زبان میں ’’راحم ‘‘ کے بجائے ’’رحیم‘‘ کا لفظ زیادہ  استعمال ہوتاہے، اسی لیے بہتر یہ ہے کہ ’’عبدالرحیم‘‘ یا ’’محمد رحیم‘‘ نام رکھا جائے۔

تاج العروس میں ہے:

"والرحيم قد يكون بمعنى المرحوم كما يكون بمعنى الراحم، قال عملس ابن عقيل:(فأما إذا عضت بك الحرب عضة ... فإنك معطوف عليك رحيم)."

(رحم، ج: 32، ص: 234، ط: التراث العربي)

فقط واللہ اعلم