مسجد کو راہ گزر بنانا
سوال
مسجد کے ساتھ صحن ہے، اس میں چار سیڑھیاں ہیں، لوگ اس کو راہ گزر کے طور پر استعمال کرتے ہیں، میں نے انھیں شرعی مسئلہ بتایا کہ اگر یہ سیڑھیاں مسجد میں داخل نہیں تو معتکف کااعتکاف ٹوٹ جائے گا، اور اگر مسجد میں داخل ہیں تو راہ گزر کے طور پر استعمال کرنا جائز نہیں، حالانکہ وہ سیڑھیاں مسجد میں داخل ہیں، کیا ان کوراہ گزر بنانا جائز ہے؟
جواب
مسجد كو راه گزر كے طور پر استعمال كرنا مكروهِ تحريمي ہے، لہذا جب صحن ميں موجود سيڑھیاں مسجد میں داخل ہیں تو انہیں راہ گزر کے طور پر استعمال کرنے سے اجتناب کیا جائے۔
فتاوی شامی میں ہے:
"(و) كره تحريما (الوطء فوقه، والبول والتغوط) لأنه مسجد إلى عنان السماء (واتخاذه طريقا بغير عذر) وصرح في القنية بفسقه باعتياده."
(کتاب الصلاۃ، باب ما يفسد الصلاة وما يكره فيها، 1/ 656، ط: سعید)
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
