اگر کوئی بینک قرض پر اضافہ نہ لے تو اس سے قرض لے سکتے ہیں؟
سوال
خوش حالی بینک پاکستان ملازم کی ضمانت پر ستر ہزار روپے قرض دے رہا ہے، قرض کی واپسی بھی آسان قسطوں پر ستر ہزار ہی ہوگی، کیا یہ قرض لینا درست ہے؟
جواب
اگر واقعۃ ً ایسا ہی ہے کہ مذکورہ بینک قرض دے کر اس پر اضافی رقم واپس کرنے کی شرط عائد نہیں کرتا، بلکہ لی گئی رقم ہی واپس کرنے کا پابند کرتا ہے تو اس سے قرض لینا جائز ہوگا۔
المبسوط للسرخسي میں ہے:
"فإن الديون تقضى بأمثالها لا بأعيانها." (30/ 150، ط: دارالمعرفة بيروت)
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144404100063
تاریخ29-10-2022
