اولاد کے لیے وظیفہ
سوال
میری شادی کو دو سال ہو گئے ہیں۔لیکن اولاد نہیں ہوئی low sperm motility میرے شوہر میں مسئلہ ہے ۔بہت علاج کرا چکے لیکن کوئی فرق نہیں ہے۔ ہم بہت پریشان ہیں ۔ براے مہربانی کوئی روحانی علاج یا وظیفہ بتا دیں جس سے اللہ ہمیں اولاد کی نعمت سے نواز دے۔
جواب
مادہ منویہ کابیماری یا کسی اوروجہ سےاس قدر کمزور اور بے اثر ہونا جس کی وجہ سے اولاد نہ ہو اور اس کے لیے علاج معالجہ کرنا یہ سب اسباب کے درجہ میں ہے،حقیقت میں اولاد کا ہونا یا نہ ہونا یہ سب اللہ تعالیٰ کے حکم سے ہے، آپ اللہ تعالیٰ سے دعا مانگتے رہیں اور کثرت سے یہ آیت پڑھا کریں،اللہ تعالیٰ اس کی برکت سے نیک صالح اولاد عطا فرمائے گا ان شاء اللہ تعالیٰ۔
"رَبِّ هَب لِي مِن لَّدُنكَ ذُرِّيَّة طَيِّبَةًۖ إِنَّكَ سَمِيعُ ٱلدُّعَآءِ"(سورة آل عمران الآية ٣٨)
(ازاعمال قرآنی،ص19،ط؛دار الاشاعت)
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
