زبان میں لکنت کی وجہ سے نماز میں الفاظ صاف ادا نہیں ہوتے؛ کیا اس پر مواخذہ ہوگا؟

اگر سائل کی زبان میں لکنت ہے جس کی وجہ سے الفاظ صاف ادا نہیں ہوتے اور کسی قاری سے مشق کرکے اصلاح کی کوشش کے باوجود تلفظ صحیح نہیں ہوتے تو سائل معذور ہے،  اس پر سائل سےکوئی مواخذہ نہیں ہے۔ اللہ تعالیٰ نے  انسان کو اس  قدر  مکلف بنایا ہے جو اس کے بس میں ہے، لیکن اگر مشق کرنے سے اصلاح ہوسکتی ہو تو اصلاح کی کوشش کرے۔

قرآن کریم میں ارشاد باری تعالیٰ ہے:

 لَا يُكَلِّفُ اللَّهُ نَفْسًا إِلَّا وُسْعَهَا...الآية  (سورة البقرة، رقم الآية: 285)

ترجمہ:اللہ تکلیف نہیں دیتاکسی کو مگر جس قدر اس کی گنجائش ہے۔۔۔ (ماخوذ از تفسیر عثمانی)

فقط واللہ اعلم