کمپنی کا قرض دینے والے کی طرف راہنمائی پر کمیشن لینا/امانت کی رقم مالک کی اجازت سے کاروبار میں لگانا

1-صورت ِ مسئولہ میں مذکورہ کمپنی کا قرض لینے والے کو قرض دینے والے کی طرف راہنمائی کر کے اس پر کمیشن لینا شرعا جائز نہیں ؛اس لیے کہ  کمیشن اور اجرت  کسی عمل پر لیا جاتا ہے اور  مذکورہ کمپنی  کی طرف سے باقاعدہ طور پر کو ئی ایسا عمل نہیں پایا جارہا جس کی وجہ سے کمیشن لینا درست ہو  ۔

2-امانت کی رقم کو مالک کی اجازت سے کاروبار  میں لگانا شرعا ً جائز ہے اور اس سے حاصل ہونے والا نفع بھی اس کو ملے گا جس نے کاروبار میں لگایا ہے ،البتہ اس پر اتنی رقم مالک کو لو ٹانا  ہوگا  جتنی رقم امانت تھی ۔

فتاوی شامی میں ہے :

"‌والأجرة ‌إنما ‌تكون ‌في ‌مقابلة ‌العمل".

(باب المہر،ج:3،ص:156،سعید)

در ِ مختار میں ہے :

"لا يجوز التصرف في مال غيره بلا إذنه ولا ولايته".

(کتاب الغصب ،ج:6،ص:200،سعید)

فقط واللہ اعلم