بیٹی کا تقویم نام رکھنا کیسا ہے؟

صورتِ مسئولہ میں "تقویم" کے معنیٰ ہیں اصلاح، سدھار،  کلینڈر، دن اور ماہ وسال سے وقت کا حساب لگانے کا  عمل(القاموس الوحید: 1370) نیز تخمینہ اور اندازہ لگانے وغیرہ کے  معنیٰ بھی آتے ہیں۔ لہذا اس معنیٰ کے لحاظ سے یہ نام رکھنا  درست ہے۔البتہ بہتر یہ ہے کہ بیٹی کا نام امہات المؤمینن، بنات طیبات اور دیگر صحابیات رضی اللہ عنہن کے ناموں سے کسی نام کا انتخاب کر کے نام رکھا جائے۔ فقط واللہ اعلم