خیر البشر نام رکھنےکا حکم

خیر البشر نام کے معنی ہیں انسانوں میں سے سب سے بہتر،  یہ نبی کریم صلی اللہ علیہ وسلم کا لقب ہے۔

معنی کے اعتبار سےاگرچہ یہ  نام درست ہے البتہ چوں کہ  ایسانام رکھنے سے احادیث مبارکہ میں ممانعت آئی ہے کہ  جس  نام سے انسان کے نفس کی بڑائی ظاہر ہو، اس لئے بہتر یہ کہ انبیاء کرام یاصحابہ کرام کے ناموں میں سے کوئی نام رکھ لیا جائے ۔

مرقاۃ المفاتیح میں ہے:

"وعن زينب بنت أبي سلمة - رضي الله عنها - قالت: سميت برة، فقال رسول الله صلى الله عليه وسلم: " «لا تزكوا أنفسكم، الله أعلم بأهل البر منكم، ‌سموها ‌زينب» ". رواه مسلم."

(كتاب الأداب، باب الأسامي،ج:7،ص:2999،الرقم:4756،ط:دارالفكر)

ترجمہ:"حضرت زینب بنت ابی سلمۃ رضی اللہ عنہا کہتی ہیں کہ میرا نام برہ (یعنی نیکوکار )رکھا گیا،تو رسول اللہ صلی اللہ علیہ وسلم نے فرمایا: اپنے نفس کی تعریف نہ کروتم میں جو شخص نیکوکار ہےاس کو  اللہ تعالی خوب جانتاہے اس کا نام زینب رکھو۔"(از مظاہر حق جدید)

فقط واللہ اعلم