بیوی کے سامنے طلاق کے الفاظ ادا کرنا ضروری نہیں

واضح رہے کہ طلاق واقع ہونے کے لیے بیوی یا کسی اور کا سننا ضروری نہیں ہے، شوہر اگر بیوی کی طرف نسبت کرکے زبانی یا تحریری  طلاق دے دے تو طلاق واقع ہوجاتی ہے۔

لہذا صورتِ  مسئولہ میں اگر کسی شخص نے اپنی بیوی کی طرف نسبت کرتے ہوئے اسے خود طلاق دی یا کسی کے ذریعہ طلاق کی خبر دی تو اس پر طلاق واقع ہوجائے گی خواہ ایک طلاق دی ہو یا تین  

فتاوی شامی میں ہے:

"[ركن الطلاق]

(قوله: و ركنه لفظ مخصوص) هو ما جعل دلالة على معنى الطلاق من صريح أو كناية."

(رکن الطلاق، جلد 3، ص:230، ط:سعید)

فقط والله اعلم