نومولود بچے کے بال کاٹنا

نومولود بچے کے بال کاٹنا مستحب ہے،عقیقہ کے دن نومولود کے سر کے بال کاٹ دینے کے بعد بالوں کے ہم وزن  چاندی یا اس  وزن کے بقدر رقم  صدقہ کرنا مسنون ہے۔

حدیث پاک کا مفہوم ہے کہ  حضرت علیؓ بیان کرتے ہیں کہ رسول اللہ صلی اللہ علیہ وسلم نے حضرت حسنؓ کے عقیقے میں ایک بکری ذبح کی اور فرمایا: فاطمہؓ! اس کا سر منڈواؤ اور اس کے بالوں کے ہم وزن چاندی صدقہ کرو۔

حدیث پاک میں ہے:

"عن عليّ رضي الله عنه قال: عقّ رسول اللّٰه صلی اللّٰه علیه وسلّم عن الحسن بشاة فقال: یا فاطمة! احلقي رأسه وتصدقي بزنة شعره، فکان وزنه درهماً أو بعض درهم". 

(المصنف لإبن شيبة ،ج: 5، ص: 113، ط:دار التاج)

فقط واللہ اعلم