دوسری بیوی کےپہلےشوہر سے بیٹے کی پہلی بیوی کی بیٹی سے شادی کرنے کا حکم

والد کی منکوحہ (جس کو ہمارے عرف میں سوتیلی ماں کہا جاتا ہے) کی اولاد جو کسی دوسرے شوہر سے ہو اس سے نکاح کرنا جائز ہے؛ کیوں کہ والد کی منکوحہ ہونے کی وجہ سے سوتیلی ماں خود تو حرام ہوجاتی ہے، البتہ سوتیلی ماں کی اولاد (جووالد كے علاوه دوسرے شوهر سے هو)سے محرمیت کا کوئی رشتہ قائم نہیں ہوتا، لہٰذا صورتِ مسئولہ میں سائل کی دوسری بیوی کا اس کےپہلے شوہر سے جو بیٹا ہے  اس کاسائل کی پہلی بیوی کی بیٹی سے نکاح   کرنا جائز ہے۔

فتاوی شامی میں ہے:

"وأما بنت زوجة أبيه أو ابنه فحلال۔۔۔

(قوله: وأما بنت زوجة أبيه أو ابنه فحلال) وكذا بنت ابنها بحر. قال الخير الرملي: ولا تحرم بنت زوج الأم ولا أمه ولا أم زوجة الأب ولا بنتها ولا أم زوجة الابن ولا بنتها ولا زوجة الربيب ولا زوجة الراب".

(کتاب النکاح، ‌‌فصل في المحرمات، 3/ 31، ط: سعید)

فقط والله اعلم