معتدۃ الوفات اپنے گھر کے کتنے حصے میں رہ سکتی ہے؟

صورتِ مسئولہ میں عورت  کے لیے اصولاً اس گھر  میں عدت گزارنا ضروری ہے جہاں وہ اپنے شوہر کے ساتھ قیام پذیر تھی، البتہ گھر کے اندر کسی ایک کمرے سے دوسرے کمرے میں جانا ممنوع نہیں ہے، لہٰذا معتدہ عورت عدتِ وفات میں شوہر کے گھر میں رہتے ہوئے اگر شوہر کے کمرے سے دوسرے کمرے میں منتقل ہونا چاہے تو اس میں شرعًا کوئی حرج نہیں ہے؛ کیوں کہ عدت شوہر کے کمرے میں گزارنا لازم نہیں ہے، بلکہ شوہر کے گھر میں گزارنا لازم ہے۔

 فتاوی شامی میں ہے:

"(وتعتدان) أي معتدة طلاق وموت (في بيت وجبت فيه) ولا تخرجان منه (إلا أن تخرج أو ينهدم المنزل، أو تخاف) انهدامه، أو (تلف مالها، أو لا تجد كراء البيت) ونحو ذلك من الضرورات فتخرج لأقرب موضع إليه."

(كتاب الطلاق،ج:3،ص:536،ط:سعيد)

فقط واللہ اعلم